趣怪的粤语歇后语

估股吓

阿茂整饼----无果样整果样

（据说阿茂係广州西关一间茶楼嘅制饼师傅，佢为人老实，工作勤力，每日佢完成自己本职工作之后，都会到铺面巡视，睇睇边D饼就快卖完，或者已经卖完啦，咁佢就会即刻返翻厨房重新整D。唔会令客人空手而回，因此深受食客赞赏。而“阿茂整饼”就引申出“无果样整果样”（即阿茂做饼——哪样没有就做哪样）。

现在这句话有两个含义:

1、称赞某人富于创新精神，如莱特兄弟就係因为人类冇飞机先发明咗飞机，我地就可以讲莱特兄弟“阿茂整饼——无果样整果样”。但已经好少人会咁天真嘅认为啦，为免同其他人有口角，最好都係少用。

2、比喻某人冇事做就揾嘢搞。(贬义，闹人嘅说话）。约定俗成矣！冤枉你啦，阿茂！

估股吓

年三十晚谢灶----好做唔做
谢灶又叫“送灶”或“祭灶”。农历十二月二十三日晚，俗称小年夜，D人为咗表示对灶君一年来保佑各家各户灶火不断、饮食平安嘅谢意，係灶君翻去向玉皇大帝述职果阵，特登同佢饯行。
谢灶要摆设贡品，主要有：一碗清水，一碗白米，几碌带尾叶嘅甘蔗，仲有炒米饼、柑桔、红糖同一封利是，以及一份“灶君疏”。大意係向灶君请罪，请佢上天言好事，下界保平安。年三十晚又叫“除夕”不宜谢灶。
年三十晚谢灶----好做唔做，比喻：“做不应该做的事”或“该做的事不做”。

估股吓

阿崩叫狗----越叫越走
解释1：阿崩唔係人名，係指崩嘴嘅人。崩嘴嘅人声音异于常人，叫狗果阵，狗觉得异常，唔敢向前；阿崩心急，又係大叫嘅同时加D动作，只狗大惊，就走开咗。比喻做事方法唔对头，往往事与愿违。
解释2：阿崩即係裂唇人士，係发粤音“狗”果阵，往往畀人听成“走”！D狗只好越叫越走咯。
解释3：阿崩其实係阿宾！阿宾就係“吕洞宾”。老广太有人情味啦，连神仙都“称兄道弟”，（普通话入边有“狗咬吕洞宾－－－不识好人心”。试谂，“狗”点知“阿宾（崩）”嘅好心，当然阿宾越嗌佢，只狗就越跑啦。比喻就係（“被叫者”）唔明白自己嘅苦心，唔了解情况。

估股吓

黄皮树鷯哥──唔熟唔食
黄皮係热带、亚热带水果，有酸、甜两个品种，都可以生食。但係层皮仲好青未熟果阵，就会酸到人挤眉弄眼。“鷯哥”係一种会模仿人类讲嘢嘅鸟类，智商高，会只挑成熟嘅果子吃掉。引申义就係用来描述果D专门呃熟人嘅衰人。

估股吓

“邓”家婆打仔──睇你走去边
“邓”家 = 蛋家。係历史上，蛋家人係一个比较特殊嘅群体，指嘅係过去广东、广西、福建、海南沿海一带嘅水上居民。佢地以船为家，以捕鱼同水上运输为业。因所居住嘅鱼船外形极似蛋壳，因而俾人称为“蛋家”，相应嘅就有咗蛋家人呢个讲法。因为船在河（或海）上，蛋家仔除非跳海，否则无处可逃，唯有认打！

估股吓

陆荣庭睇相──唔衰摞来衰
民国初，广西有一个军阀叫陆荣庭，后来佢畀其他军阀排挤，逼迫到咗广东，并係广州任职。有一日，佢化装成乞衣睇相，目的係睇睇有冇人识得佢。当他揾到一个算命先生睇相果阵，算命先生即刻识出他，但算命先生有意奚落陆荣庭，就对佢讲：“你今世都係乞衣命，你只能做乞衣，你生出来就係做乞衣嘅命。”
陆荣庭听后，顿时火冒三丈，但又唔可以发作，就咁走咗。之后，陆荣庭睇相嘅事就成为咗当时嘅笑话。

估股吓

阿超着裤-----焗住上
民间故事：以前有个叫阿超嘅肥仔，好怕热，在屋企只着住底裤。要出街就要着长裤，佢就会大叫“焗住”。后来就成为俗语，即係无可奈何咁顶硬上！

淡云孤雁

      学习了